Актывуйся 2.0 — OEEC

Актывуйся 2.0

Беларускі нацыянальны моладзевы савет «РАДА» ў партнёрстве са шведскай парасонавай НДА ForumCiv і цэнтрам праблем дзіцячага развіцця «Леванія» аб’яўляюць набор на летнюю адукацыйную анлайн-праграму пра актыўны грамадзянскі ўдзел.

Праграма курса складаецца з практыка-арыентаваных заняткаў, падчас якіх вы:

  • навучыцеся аналізаваць навакольную сітуацыю і выяўляць існуючыя праблемы;
  • папрактыкуецеся ў апісанні праблемных сітуацый, пастаноўцы мэт для дасягнення неабходных зменаў;
  • даведаецеся пра спосабы дасягнення зменаў на розных узроўнях: мясцовым, нацыянальным, міжнародным;
  • пазнаёміцеся з рэальнымі прыкладамі грамадскіх кампаній і зможаце паразмаўляць з іх прадстаўнікамі_ніцамі;
  • распрацуеце план рэалізацыі сваёй дзейнасці, накіраванай на змену, і атрымаеце каментары ад эксперт_ак;
  • сустрэнецеся з патэнцыйнымі партнёр_камі ў рэалізацыі вашых ідэй.

Дадаткова ўдзельнікі і ўдзельніцы, якія паспяхова пройдуць праграму, змогуць атрымаць ментарскую падтрымку па дэталізацыі плана сваёй дзейнасці і пачатку яго рэалізацыі.

Дадзены курс будзе карысным як для тых, хто пачынае свой шлях у грамадзянскай дзейнасці ці задумваецца пра яго, так і для ўжо дзейных актывіст_ак, якія хочуць палепшыць і пашырыць сваю дзейнасць:

  • індывідуальныя актывіст_кі;
  • прадстаўні_цы мясцовых супольнасцяў, ініцыятыў і арганізацый;
  • прадстаўні_цы розных дыскрымінуемых груп;
  • беларус_кі, якія жадаюць унесці свой унёсак у змены грамадства да лепшага.

Фармат і працягласць

Курс пройдзе з 7 чэрвеня 2023 па 2 жніўня 2023 года.

Заняткі будуць праводзіцца анлайн кожны чацвер у 18:30 (па Мінску). Працягласць заняткаў 1,5 – 2 гадзіны. Для некаторых заняткаў патрабуецца ўзаемадзеянне з дадатковымі анлайн-прыладамі, таму лепш прымаць удзел з камп’ютара.

Усяго будзе 9 абавязковых заняткаў з дадатковымі тэматычнымі сустрэчамі паміж імі.

Для ўдзелу неабходна запоўніць заяўку да 28 траўня. Вынікі адбору будуць паведамлены не пазней за 2 чэрвеня.

16.05.2023 - 28.05.2023
Online
Просмотры: 254