Курс па адвакатыўных кампаніях «Актывуйся!»
Беларускі нацыянальны моладзевы савет «РАДА» у партнёрстве з Суполкай «Жывая Бібліятэка» запускае курс па адвакатыўных кампаніях для прадстаўнікоў і прадстаўніц уразлівых груп «Актывуйся!».
Мэта курса – расказаць пра інструменты вырашэння сацыяльна важных праблем, навучыць прадстаўнікоў і прадстаўніц уразлівых груп адвакатыўным практыкам, спосабам іх выкарыстання для прасоўвання сваіх патрэб.
Што будзе:
- вы даведаецеся аб розных адвакатыўных практыках (петыцыі, інфармацыйныя кампаніі і г.д.),
- вывучыце існуючыя прыклады іх выкарыстання,
- зможаце напісаць стратэгію сваёй адвакатыўнай кампаніі.
Курс будзе складацца з 6 сесій па 2-3 гадзіны. Асноўныя блокі праграмы будуць праведзены ў студзені-красавіку 2022 года. Фармат правядзення – анлайн. Паміж сесіямі будуць хатнія заданні.
Дадатковай магчымасцю для ўдзельнікаў і ўдзельніц будзе падтрымка напісання і рэалізацыі стратэгіі сваёй адвакатыўнай кампаніі (дапамога ў выбары спосабу адвакацыі, ментарскія кансультацыі і інш.).
Для каго?
Дадзены адукацыйны курс галоўным чынам разлічаны на прадстаўнікоў і прадстаўніц наступных уразлівых груп:
- маламабільныя людзі;
- людзі з парушэннямі слыху;
- людзі з парушэннямі зроку;
- бацькі з маленькімі дзецьмі;
- ЛГБТК+ супольнасць;
- людзі з абмежаваннямі ў харчаванні;
- людзі старэйшага ўзросту;
- але не абмяжоўваецца толькі імі.
Як падацца?
Для навучання на курсе неабходна запоўніць форму да 7 снежня ўключна. Не пазней за 6 снежня вы атрымаеце адказ на пазначаную ў анкеце пошту.
Хто праводзіць
Заняткі ў рамках курса будуць праводзіць эксперты і эксперткі ў сваёй справе, якія маюць досвед правядзення кампаній розных узроўняў і маштабу ў Беларусі і на міжнародным узроўні.
Па ўсіх пытаннях пішыце на info@rada.fm.