Мэнэджэр_ка накірунку «Абарона і падтрымка»: вакансія ў БДПЧ
Беларускі дом правоў чалавека імя Барыса Звозскава шукае мэнэджэр_ку накірунку «Абарона і падтрымка».
Асноўныя абавязкі:
- займацца стратэгічным планаваннем і развіццём праграмы дзейнасці накірунку;
- рыхтаваць аператыўныя (гадавыя) планы і справаздачы аб працы па накірунку;
- удзельнічаць у падрыхтоўцы праектных заявак і напісанні справаздачаў па праектах , у межах якіх рэалізуецца дзейнасць накірунку, і супольна з выканаўчым дырэктарам і праграмным спецыялістам весці камунікацыю з донарамі;
- выконваць функцыі мэнэджэр_кі праектаў, у рамках якіх рэалізуецца дзейнасць накірунку;
- адказваць за падрыхтоўку, актуальны стан і выкананне палітыкаў і палажэнняў, згодна з якімі ажжыцяўляецца дзейнасць у рамках накірунку;
- каардынаваць дзейнасць персаналу (каардынатар_каў і спецыяліс_так), адказных за паднакірункі, што ўваходзяць у накірунак «абарона і падтрымка», аказваць дапамогу ў выкананні іх задачаў;
- рыхтаваць інфармацыю і ўзаемадзейнічаць з кіраўніцтвам БДПЧ па пытаннях рэалізацыі працы па накірунку;
- пры патрэбе ўдзельнічаць у працы камітэтаў і іншых органаў, што прымаюць калегіяльныя рашэнні, датычныя аказання паслуг і дапамогі ў рамках накірунку;
- арганізоўваць і праводзіць рабочыя сустрэчы персаналу накірунку і паднакірункаў;
- ажыццяўляць прэзэнтатыўныя функцыі ад імя накірунку і паднакірункаў;
- арганізоўваць і ажыццяўляць маніторынг і ацэнку праграмы (унутраную і вонкавую) ва ўзаемадзеянні з праграмным мэнэджэрам;
- узаемадзейнічаць з кіраўніцтвам і супрацоўні_цамі БДПЧ па пытаннях рэалізацыі дзейнасці ў рамках накірунку;
- выконваць іншыя функцыі ў межах арганізацыйнага і зместавага суправаджэння дзейнасці ў рамках накірунку.
Навыкі і здольнасці:
- Агульныя веды ў сферы правоў чалавека;
- Веданне сітуацыі з правамі чалавека ў Беларусі агулам, а таксама права на свабоду асацыяцый, свабоду меркавання, свабоду мірных сходаў, і, у прыватнасці, права быць праваабаронцам;
- інфармаванасць аб прававых і арганізацыйных умовах дзейнасці праваабарончых і іншых арганізацый грамадзянскай супольнасці;
- арганізацыйныя навыкі – планаванне, дэлегаванне, праграмнае развіццё;
- кіраванне праектамі ў некамерцыйнай сферы (практычны досвед – ад 5 гадоў);
- выдатнае валоданне беларускай, рускай і англійскай мовамі;
- устойлівыя навыкі карыстання прадуктамі MS Office/LibreOffice, паштовымі кліентамі, папулярнымі інтэрнэт-браўзерамі, мэсэнджэрамі;
- пажадана: разуменне прынцыпаў бяспечнай камунікацыі.
Досвед:
- кіраўнічай або мэнэджэрскай працы, у тым ліку кіравання праектамі ў арганізацыі грамадзянскай супольнасці;
- узаемадзеяння, у тым ліку ў сетцы, кааліцыях і інш., з праваабарончымі і іншымі арганізацыямі грамадзянскай супольнасці;
- абароны і прасоўвання правоў чалавека на нацыянальным і міжнародным узроўні.
Патрабаванні:
- неабходна мець вышэйшую юрыдычную або іншую гуманітарную адукацыю;
- пажадана таксама дадатковую адукацыю ў сферы правоў чалавека,
- валодаць ангельскай мовай на дастатковым для працы ўзроўні.
Аб’ём занятасці: 70-100 %.
Месца: Вільнюс, Літва.
Пачатак працы: сакавік 2023 г.
Узровень заробку: 1300-1600 €/месяц (100%) пасля аплаты падаткаў, у залежнасці ад досведу і кампетэнцыяў.
Калі вы зацікаўлены ў вакансіі, дасылайце CV і матывацыйны ліст (на беларускай, рускай ці ангельскай мове) на адрас director@belhumanrights.house з пазнакай назвы вакансіі «Мэнэджэр_ка абароны і падтрымкі» ў тэме.
Таксама пазначце адну асобу, якая магла б даць рэкамендацыю вашай кандыдатуры, з кантактамі (e-mail, мабільны нумар, мэсэнджэры).
Падрабязней пра вакансію можна даведацца на сайце.