Акселератар жаночых грамадскіх праектаў

Free Belarus Center запрашае беларускіх актывістак прыняць удзел у трохмесячнай праграме акселератара жаночых праектаў і грамадскіх ініцыятыў.

Падчас праграмы ўдзельніцы атрымаюць ментарскую падтрымку па развіцці ідэй сваіх праектаў, пазнаёмяцца з вядучымі арганізацыямі і спікер_камі беларускіх грамадскіх арганізацый, пройдуць трэнінг па ўзмацненні лідарскіх якасцяў, праектнага менеджменту, навыкаў вядзення перамоваў, працы з медыя, асертыўнасці.

Праграма ўключае ў сябе:

• трохдзённы афлайн-трэнінг і адукацыйныя візіты ў адмысловыя арганізацыі;
• працу над праектамі з ментар_камі анлайн і воркшопы са спікер_камі з розных напрамкаў.

Напрыканцы праграмы адбудзецца пітчынг праектаў, па выніках якога лепшыя ініцыятывы змогуць атрымаць фінансавую падтрымку ад 500 да 2000 USD.

Тэрмін правядзення праграмы: студзень-сакавік.

Афлайн-інтэнсіў і адукацыйныя візіты: 16-18 студзеня 2023 года.

Падавацца на праграму могуць:

• беларускі, якія знаходзяцца як у Беларусі, так і за яе межамі;
• беларускі, у якіх ёсць ідэі важных грамадскіх праектаў;
• прадстаўніцы НДА і актывісткі ці прадстаўніцы культурнага асяроддзя.

Праекты павінны падпадаць пад наступныя накірункі:

• прасоўванне гендэрнай роўнасці і барацьба з гендарнай і іншым формам дыскрымінацыі;
• падтрымка, развіццё і адаптацыя беларусаў і беларусак у эміграцыі;
• праца з культурнай спадчынай і праектамі, накіраванымі на развіццё і захаванне культуры Беларусі;
• развіццё грамадзянскай супольнасці ўнутры краіны ці ў эміграцыі.

Падчас акселератара вы зможаце:

• узмацніць навыкі праектнага менеджменту ў грамадскай сферы;
• узмацніць навыкі фандрайзінгу для грамадскіх праектаў;
• эфектыўна камунікаваць і прасоўваць ініцыятывы;
• пазнаёміцца з жаночымі арганізацыямі і ініцыятывамі Польшчы.

Пажадана, каб удзельніцы мелі дзеючыя візы для наведвання афлайн-трэнінга ў краіне Еўразвяза — арганізатары не гарантуюць магчымасць атрымання візы, але будуць спрыяць яе атрыманню. Лакацыю паведамяць дадаткова (транспартныя выдаткі, а таксама выдаткі на пражыванне і харчаванне пакрываюць арганізатары).

Падаць заяўку на ўдзел можна да 16 снежня ўключна.

Падрабязней пра акселератар можна даведацца тут.

Па пытанням пішыце на пошту help@freebelarus.center.