![](https://oeec.ong/wp-content/uploads/2023/08/alexander-andrews-m5kv39fdfnq-unsplash-scaled-e1692289313868.jpg)
Правы чалавека — Гэта База: анлайн-курс
Беларуская моладзевая асветніцка-адукацыйная ініцыятыва «Гэта База» запускае набор на анлайн-курс пра базавыя веды па правах чалавека.
На курсе ты даведаешся:
- Якія правы чалавека існуюць, што гэта такое, і як яны працуюць
- На якой філязофіі/падыходзе грунтуюцца правы чалавека і дзеля чаго існуюць
- Што такое свабода слова і ці можа яна быць абмежавана
- Ці мусіць прымяняцца смяротнае пакаранне як вышэйшая мера пакарання
- Што можна рабіць пры парушэнні правоў. Лакальныя і больш шырокія дзеянні для кожнага і кожнай
Для каго праграма
Запрашаюць беларускую моладзь, актывіст_ак, студэнт_ак і супрацоў_ніц НДА. А таксама усіх, хто не былі раней звязаны з тэмай правоў чалавека і жадаюць пазнаёміцца з ёй.
Фармат курса
Цябе чакае 9 заняткаў, 7 з якіх – заняткі з эксперт_камі. Гэта не лекцыі: падчас сустрэч будуць практыкаванні, абмен ідэямі і дыскусіі. Ініцыятыва падтрымлівае прынцыпы нефармальнай адукацыі і прапануе вучыцца разам праз агульны досвед і інтэрактыўныя актыўнасці ў групах.
Каб курс быў сапраўды карысным, важна актыўна ўдзельнічаць і не прапускаць заняткі! Калі ласка, ацані свае магчымасьці па часе і высілках, якія ты можаш ўкласці ў навучанне.
Трэнер курса – Валдзіс Фугаш, сузаснавальнік Human Constanta.
Расклад заняткаў
Заняткі будуць праходзіць штосераду а 19:00 (па Мінску). Прыкладны час адной сустрэчы – паўтары-дзве гадзіны.
- 04.09 Знаёмства
- 06.09 Гісторыя правоў чалавека
- 13.09 Архітэктура правоў чалавека
- 20.09 Як (не)працуюць правы чалавека
- 27.09 Свабода выказвання меркавання і ейныя абмежаванні
- 04.10 Інклюзія і роўнасць
- 11.10 Смяротнае пакаранне
- 18.10 Дзеянні пры парушэнні правоў
- 25.10 Падсумаванне вынікаў курса
Заяўкі на курс прымаюцца праз форму. Дэдлайн – 26 жніўня.
Па ўсіх пытаннях смела пішы на hetaposta@gmail.com ці ў прыватныя паведамленні Instagram.