Праграма стажыровак для беларускіх актывіст_ак

Беларускі дом правоў чалавека імя Барыса Звозскава запрашае на праграму стажыровак для актывіст_ак беларускіх арганізацый грамадзянскай супольнасці ў Беларусі і па-за мяжой.

Стажыроўкі накіраваныя на вывучэнне паспяховых практык арганізацый у сферах, сумежных з вашай, і пераасэнсаванне беларускімі актывіст_камі сваёй дзейнасці. У якасці прымаючай арганізацыі можна разглядаць замежныя арганізацыі грамадзянскай супольнасці, якія дзейнічаюць у той жа сферы, што і ваша арганізацыя,  і беларускія перамешчаныя/часткова перамешчаныя арганізацыі.

Стажыроўкі пройдуць у Літве, Польшчы і Грузіі (магчымыя і іншыя краіны пры дадатковым абгрунтаванні). Калі вы дакладна ведаеце, у якой арганізацыі хочаце прайсці стажыроўку – вам неабходна атрымаць ад іх згоду і пасля запоўніць форму на ўдзел у праграме. Калі вы яшчэ не вызначыліся ці не ведаеце, у якой арганізацыі можна прайсці стажыроўку, вы можаце запоўніць анкету без пазнакі арганізацыі, а арганізатары дапамогуць яе адшукаць.

Ад кожнай арганізацыі ў стажыроўцы бяруць удзел 2 чалавекі (1 з Беларусі і 1 рэлакаван_ая, аднак у некаторых выпадках магчымыя выключэнні).

Стажыроўка разлічаная на 20 дзён і павінна прайсці ў дыяпазоне 10 сакавіка — 30 чэрвеня 2023. Пры патрэбе магчымыя сумяшчэнні анлайн і афлайн фарматаў праходжання стажыроўкі.

Для ўдзелькаў і ўдзельніц праграма кампенсуе расходы на транспарт, пражыванне, харчаванне, сувязь, страхоўку, тэсты на COVID і выдаткі на вакцынацыю (пры неабходнасці), мясцовы транспарт.

Чакаецца, што прымаючая арганізацыя:

• абмяркуе і ўхваліць план удзельні_цы праграмы і будзе спрыяць яго рэалізацыі;
• пры неабходнасці прадаставіць запрашэнне і іншыя дакументы для кандыдат_кі;
• прадаставіць асабістае настаўніцтва і працоўную прастору;
• падзеліцца ведамі і досведам.

Каляндар праграмы:

• дэдлайн падачы заявак: 31 студзеня 2023 г.;
• да 10 лютага ўсе, хто падалі заяўкі, атрымаюць адказы;
• найранейшы час пачатку стажыровак: 10 сакавіка 2023 г..;
• стажыроўкі павінны быць скончаныя не пазней за 30 чэрвеня 2023 г..;
• працягласць кожнай стажыроўкі: не больш за 20 дзён.

Як прыняць удзел

Калі вы ведаеце, у якой арганізацыі хочаце прайсці стажыроўку:

• дамаўляецеся з арганізацыяй самастойна;
• запаўняеце анлайн-заяўку;
• чакаеце вынікаў адбору.

Калі вы не ведаеце, у якой арганізацыі хочаце прайсці стажыроўку ці не атрымалі згоды ад арганізацыі, з якой дамаўляліся:

• запаўняеце заяўку
• і чакаеце вынікаў адбору.

Якія заяўкі атрымаюць падтрымку

Кандыдаты і кандыдаткі павінны мець дакладнае ўяўленне аб тым, чаго яны хочуць дасягнуць у ходзе запланаванай стажыроўкі. Яны могуць прапанаваць у сферы зацікаўленасці сваёй арганізацыі, над якой будуць працаваць з прымаючай арганізацыяй.

Калі ў вас засталіся пытанні, пішыце на Stazhirouki.2022@gmail.com.

Падрабязней пра праграму стажыровак чытайце на сайце.