«Школа лідэрства» для студэнтак Беларусі — OEEC

«Школа лідэрства» для студэнтак Беларусі

Незалежны адукацыйны праект «Школа лідэрства» абвяшчае прыём заявак на адукацыйны курс для студэнтак з Беларусі, якія жадаюць развіць у сабе лідэрскія якасці.

Праграма рэалізуецца незалежнымі эксперткамі і накіравана на развіццё лідэрскіх якасцей удзельніц і ўмацаванне іх лакальных супольнасцей. Праграма складаецца з трох анлайн-блокаў, курса па праектным менеджменце і афлайн-сесіі ў Вільні.

Вы можаце падавацца на курс, калі:

  • вам больш за 18 гадоў;
  • вы студэнтка беларускага ўніверсітэта, інстытута ці каледжа;
  • у вас ёсць ідэя праекта, але вы не ведаеце, з чаго пачаць;
  • вам цікава атрымліваць новыя веды ў інтэрактыўным фармаце і прымяняць іх на практыцы;
  • вы хочаце пазнаёміцца з аднадумніцамі і пашырыць сетку сваіх кантактаў.

Тэмы курса:

  • Правы чалавека;
  • Гендэрная роўнасць;
  • Грамадзянскі актывізм;
  • Праектны менеджмент;
  • Цімбілдынг.

На працягу трох месяцаў з красавіка па ліпень удзельніцы пройдзуць 3 адукацыйных блока, кожны з якіх уключае 4 анлайн заняткі з эксперткамі і цікавыя хатнія заданні. Акрамя таго, вы будзеце распрацоўваць свой праект, сустракаючыся з эксперткай анлайн 1 раз на месяц. Пасля заканчэння трэцяга блока пройдзе прэзентацыя праектаў удзельніц, неўзабаве пасля якой адбудзецца заключная афлайн сесія ў Вільні.

Удзел у праграме цалкам бясплатны, таксама плануецца аказанне візавай падтрымкі.

Падаць заяўку можна да 28 сакавіка.

Па пытанням пішыце на пошту education@women-leadership.info.

Даведацца пра курс больш можна на сайце.

13.03.2023 - 28.03.2023
Online
Просмотры: 437