Анлайн-курс «Праца ў камандзе» ад «РАДА»
Беларускі нацыянальны моладзевы савет «РАДА» адкрывае набор на анлайн-курс «Праца ў камандзе» у межах адукацыйнай праграмы «Акадэмія Першых». Курс пра тое, як збіраць каманды для вашых ініцыятыў і эфектыўна, клапатліва, этычна выбудоўваць сумесную працу.
Вас чакае 8 грунтоўных заняткаў з экспертам. Гэта не лекцыі – падчас сустрэч удзельнікі і ўдзельніцы будуць рабіць практыкаванні, абменівацца ідэямі і дыскутаваць. Каб курс быў сапраўды карысным, важна актыўна ўдзельнічаць і не прапускаць заняткі. Калі ласка, ацаніце сваі магчымасці па часе і высілках, якія вы гатовыя ўкласці ў навучанне.
Заняткі будуць праходзіць па панядзелках і чацвяргах у 18:30 па Менску. Прыкладны час адной сустрэчы – паўтары-дзве гадзіны.
Папярэдні расклад:
- 20.03 Першы занятак. Што такое каманда і як яе збіраць. Камандныя працэсы: працоўныя і асабістыя. Адбор, найм, пошук валанцер_ак.
- 23.03 Другі занятак. Як планаваць, размяркоўваць і ацэньваць працу ў камандзе? Прылады для планавання, ацэньвання, трэкінгу працы.
- 27.03 Трэці занятак. Прылады і спосабы сумеснай працы.
Самафасілітацыя, ацэнка і дакументаванне працоўных працэсаў. - 30.03 Чацвёрты занятак. Праца з матывацыяй і прафілактыка выгарання. Эксплуатуючыя і рэгенеруючыя практыкі сумеснай працы.
- 03.04 Пяты занятак. Як заўважаць і вырашаць канфлікты Тактыкі працы з канфліктнымі сітуацыямі.
- 06.04 Шосты занятак. Як будаваць эфектыўную камунікацыю ў камандзе? Як будаваць адкрыты дыялог і спраўляцца з канструктыўнай крытыкай?
- 10.04 Сёмы занятак. Як вызначыць лідар_ку ў камандзе? Як развіваць лідарскія якасці ў камандзе?
- 13.04 Восьмы занятак. Як планаваць і кантраляваць змены ў камандзе? Як падрыхтаваць каманду да зменаў?
Для рэгістрацыі на курс запоўніце заяўку да 14 сакавіка ўключна. Усе заяўкі праходзяць сур’ёзную верыфікацыю, каб вы маглі разлічваць на бяспечную анлайн-прастору, дзе можна выкарыстоўваць камеры і мікрафон, знаёміцца, выказваць свае думкі.
Па ўсіх пытаннях пішыце на пошту study.help@rada.fm.
Падрабязнасці пра курс чытайце тут.